Shaina bubuntisin ni Lloydie?!

Anne at Sam, nauubusan ng gimik!


MALAKAS ang bulung-bulungan na sa mga susunod na araw ay jontis na ang younger sister ni Vina Morales na si Shaina Magdayao.

Hindi pa man, magmula nang “ma-snatch” ni Shaina sa mga kamay ni Ruffa Gutierrez si John Lloyd Cruz, ay talagang kung saan saan nakikita ang dalawa na parang young honeymooners.

Panay ang good time. Dito nga, pagkagaling pa lang nila sa Bangkok.. take note, walang chaperone, ha.. ay namataan na sina Lloydie at Shaina sa Boracay. Ang aga nila doon ha, Thursday pa lang naroon na ang dalawa (na silang dalawa lang) samantalang Sunday pa ang live telecast ng ASAP XV.

Sabi ng ating mga kolokadidang doon, sweet na sweet daw ang dalawa at talagang wala na silang tinatago unlike sa pagkaka-link ni Lloydie kay Ruffing na maraming denials. Para tuloy gusto na naming maniwala kay Prof. Roger Ruiz, isang psychic na nagforetell na sa 2011 magpapa-”putok” ng isang bata si Lloydie at Shaina. Bongga!

Sabagay, mas mabuti na habang maaga magkaroon ng mga supling ang dalawa kung talagang nagmamahalan sila at baka matulad kay Ogie Diaz at Regine Velasquez na kailangan pang magsasayaw sa imahe ni San Pascual Baylon, ang patron ng fertility sa Obando, Bulacan!

***

Speaking of Regine, marami ang naaaliw sa Diva ni Regine Velasquez. Bongga nga ang first-ever kantaserye sa TV, at hindi na kataka-taka na makakuha ito ng 30.2% last Tuesday, at patuloy pa raw na tumataas.

Hanggang ngayon nga ay mabisang formula pa rin ang tungkol sa isang pangit pero talented na si Sampaguita na ginagampanan ni Regine.

Pero, what makes Diva more endearing to the viewers are the songs performed in the show that are truly close to the hearts of Filipinos. Pinoys love to sing at sa pamamagitan ng kanta ay nai-express ng mga Pinoy ang kanilang nararamdaman. Eh, panay kanta pa ng Asia’s songbird ang ginagamit sa Diva, kaya lalong nag-i-enjoy ang mga manonood.

Isang bagay na inaabangan din sa Diva ay ang pagsulpot ng mga music icons at showbiz celebrities kahit cameo role lang. Last week, napansin sina Moymoy Palaboy at mukhang magbabalik din si Ogie Alcasid.

At siyempre pa, importante rin na may magagandang aral na nakukuha ang mga viewers sa Diva, bukod sa mga nakaka-in love na kantahan nito at sa mga nakakatawang eksena.
Isa nga sa mga values na ipinapakita sa Diva ay `yung huwag mong gawin sa kapwa mo ang ayaw mong gawin sa iyo. At siyempre, nakapaloob din sa Diva ang mga aral na dapat ay mahalin mo ang kapwa mo, maniwala sa sarili mo, suportahan mo ang kabutihan at talento ng mga tao sa paligid mo. Hendevanini?!

***

NAGULAT kami sa three-termer na Manila councilor na si Cita Astals na dinala sa programa ni Vicky Morales sa GMA7 na “Wish Ko Lang” at nag-wish na magpapa-rehab yata siya. Marami na kasing hallucinations si Cita na naging dahilan ng pagiging paranoid niya. Kesyo maraming nagmamanman daw sa kanya, merong papatay daw sa kanya, merong gustong umakyat sa kanyang bahay, merong nagtatapping sa kanyang kuryente, kung anu-ano pa at anything na para bang nasisiraan na ng bait. Sabi ng isang psychology expert, itong mga hallucinations na ito ay bunga ng too much na pag-te-take ng sleeping pills — wag naman sanang masamain, ano — pati ng drugs tulad ng mga downers at uppers.

Sana naman bumalik na sa dati si Cita dahil barkada ko ito nu’ng sa golden days pa namin sa Philipine Councilors League. Magaling pa naman itong mambabatas at siyempre de kalibreng character actress din si Cita Astals. Siguro kailangan lang ng gabay at tulong nga.
We congratulate Vicky Morales at ang Wish Ko Lang kung matutulungan nga nila itong si Cita Astals sa kanyang dilemma. ‘Yun na!

***

MALAPIT nang ipalabas ang “Babe I Love You” ng Star Cinema at Viva Films na unang pelikulang magkasama nina Anne Curtis at Sam Milby pagkatapos ng kanilang TV project na “Dyosa” at “Maging Sino Ka Man.” Pero wala nang maisip na gimik ang dalawa dahil paso na ang away-bati isyu sa dalawa. Malamig pa sa vangkay ang kanilang pagtitinginan but not onscreen dahil marami ang nagsasabi na bongga daw talaga ang bago nilang movie.

Sabagay, itong si Anne ay free soul, kung kani-kanino nali-link yan. Samantalang si Sam ay di malaman kung madre ito o ano dahil ma-link man sa gurlash, very short lived naman! “Vahkit?!” tanong ni Venigna Vangkiyod. Pero sa kabila nito, we are anticipating the showing of the movie. Sige na nga!

***

TINANGGAL na sa gag show na Bubble Gang si Francine Prieto. Kasi ayon sa chism, siya daw ay absent-minded sa pagtatrabaho. Ang sexy actress na talagang pinagkakitaan noon ng Seiko Films at desirable pa rin ang ganda hanggang ngayon, ay nag-react at sinabing hindi totoo ang mga chism na ito dahil very dedicated ito sa kanyang trabaho.

Ano kaya kung totoo ang sinasabi na mayroong isang mataas na executive na di lang magetsing ang matamis na “oo” ni Francine at hindi ma-TONTENG ang dating sexy actress, kaya sinibak siya sa longest-running and top rating gag show na Bubble Gang? Nagtatanong lang!